Haddefálaldagas galget dát leat mielde
Go ozat doarjaga ásodaga ahkeheivehuvvon ođasmahttimii, de fertet bidjat mielddusin spesifiserejuvvon haddefálaldaga fágačeahpis.
Haddefálaldat galgá leat dan mađe dárkil ahte Viessobáŋku oaidná mii galgá dahkkot ja olu máksá. Mii geavahit haddefálaldaga árvvoštallat devdet go barggut doarjaga eavttuid.
Jus barggut masa don ozat doarjaga, leat oassin stuorát prošeavttas, de galgá čielgasit boahtit ovdan mat barggut ja golut gusket doarjagii. Jus don ovdamearkka dihtii áiggut ođasmahttit olles basadanlanja, muhto dušše ozat doarjaga muhtun doaibmabijuide mat galget dahkat basadanlanja eanet olámuttolažžan, de dáid bargguid ja goluid galgá sáhttit earuhit muđui ođasmahttimis.
Ovdal go bivddát haddefálaldagaid
1. lávki: Gávnnat maid áiggut bargat
- Gávnnat mat doaibmabijut sáhttet dahkat du ásodaga olámuttoleabbon ja heivvoleabbon vai don sáhtát orrut doppe maiddái boarásmanbeivviin
- Čilge mii galgá dahkkot ásodagas. Tevnnegat dahje govat sáhttet buorebut muitalit fágačeahppái masa don háliidat haddefálaldaga
- Jus doaibmabijut leat ohcangeatnegasat plána- ja huksenlága mielde, de don maiddái galggat guorahallat gustovaš gáibádusaid. Gieldda huksenáššeossodat sáhttá veahkehit du dáinna.
2. lávki: Bivdde fálaldagaid fágačehpiin
Mii ávžžuhit du viežžat fálaldagaid máŋga fágačehpiin, vai sáhtát buohtastahttit hattiid ja sisdoalu.
Go bivddát fálaldaga, de don galggat
- čilget nu konkrehta go vejolaš maid bargguid háliidat dahkat
- bivdit spesifiserejuvvon haddefálaldaga mii deavdá gáibádusaid bajábealde
- bivdit čielgasit čájehit ávdnasiid, barggu ja vejolaš vuollelágideddjiid
- iskat ahte fitnodat leat registrerejuvvon Brønnøysundregistariin
3. lávki: Čielggat hatti ja čađaheami
Ovdal go válljet fágačeahpi, de berret čielggadit mii lea mielde hattis, ja mo vejolaš lasáhusat gieđahallojit.
Čielggat maiddái
- goas bargu galgá álggahuvvot ja loahpahuvvot
- goas ja mo galggat máksitgeas lea ovddasvástádus vejolaš huksenjođiheamis
- geas lea ovddasvástádus čorget
Stuorát bargguin berret maiddái čállit čálalaš šiehtadusa fágačehpiin.
Gearggus ohcat?
Logge sisa ja oza Viessobáŋkku digitála ohcamušas. Jus it sáhte ohcat digitálalaččat, de sáhtát deavdit PDF-skovi ja sáddet dan poastan.
Oaččut jođánat vástádusa iežat ohcamuššii jus ozat digitálalaččat.
