Miljøhemmingar på grunn av inneklima

Ein stor del av befolkninga i Noreg har problem med astma, allergi og luftvegslidingar der inneklima i bustaden og andre bygg er ein viktig årsak.

Problemet er aukande, og barn er særskilt sårbare for dårleg inneklima. Inneklima som er bra for sårbare grupper er også godt for resten av befolkninga. Miljøet innandørs påverkar trivsel, komfort og produktivitet. Fokus på inneklima er viktig da vi i snitt er inne meir enn 90 prosent av levetida.

Forhold som påvirker inneklima er fukt, materialbruk, kjelder for oppvarming og ventilasjonsløysingar. Tørr byggjeprosess, plassering og utforming av bygget, vegetasjon, og godt luftinntak er viktig for å oppnå eit godt inneklima. Andre medverkande forhold er innreiing, møblering og vedlikehald.

Lenkje: Om inneklimaproblem i kompendiet "Hus og helse" (Statens bygningstekniske etat)